Bavdhan pune helicopter accident
पुणे, ०२ आक्टोबर २४: पुण्यातील बावधन परिसरात हेलिकॉप्टरच्या दुर्घटनेत तीन व्यक्तींचा दुर्दैवी मृत्यू झाला आहे. प्राथमिक माहिती नुसार, धुक्यामुळे हे हेलिकॉप्टर कोसळल्याचा अंदाज आहे. पुणे पोलिस सध्या घटनास्थळी असून रेस्क्यू ऑपरेशन सुरू आहे. गेल्या दोन दिवसांपासून पुण्यात धुक्याचा प्रभाव होता, ज्यामुळे ही दुर्घटना घडली असावी, असा विचार व्यक्त केला जात आहे. या घटनेचा एक व्हिडिओही उपलब्ध झाला आहे.
नेमकं कसा घडला अपघात?
पुण्यातील ऑक्सफर्ड काऊंटी रिसॉर्टच्या हेलिपॅडवरून या हेलिकॉप्टरने सकाळी साडेसात वाजता उड्डाण घेतले. उड्डाण घेतल्यानंतर तीन मिनिटांच्या आतच अपघात झाला. हा अपघात ऑक्सफर्ड काऊंटी रिसॉर्ट आणि एचईएमआरएल या केंद्र सरकारच्या संस्थांदरम्यानच्या डोंगराळ भागात घडला.
हेलिकॉप्टरला काय झाले
या व्हिडिओत (Bavdhan pune helicopter accident) पुण्यातील डोंगराळ भागात हेलिकॉप्टर कोसळताना दिसत आहे, ज्यामुळे त्याचे तुकडे झाले. दुर्घटनेनंतर हेलिकॉप्टरला भीषण आग लागली, ज्यामुळे परिसरात धुराचे लोट पसरले. या अपघातात तीन व्यक्तींचा मृत्यू झाला आहे, याबाबत हिंजवडी पोलिसांच्या कंट्रोल रूमने माहिती दिली आहे.
अपघातात कोणाचा मृत्यू
दुर्घटनाग्रस्त हेलिकॉप्टर आधी धुक्यात अडकले होते आणि त्यानंतर खाली कोसळले. पिंपरी चिंचवड पोलिसांना या घटनेची माहिती देण्यात आली, आणि त्यांनी तातडीने हिंजवडी पोलिसांना याबाबत सांगितले. त्यानंतर हिंजवडी पोलीस पथक घटनास्थळी रवाना झाले. या (Bavdhan pune helicopter accident) अपघातात तिघांचा मृत्यू झाला असून, यामध्ये दोन पायलट आणि एक इंजिनिअरचा समावेश आहे.
तसेच गॅस सिलिंडरच्या किमतीत किती रूपयांनी वाढ झाली? त्याची संपूर्ण माहिती तुम्ही खाली दिलेल्या लिंकवर जाऊन बघु शकता.